Niveli i ndotjes së ajrit në Prishtinë vazhdon të jetë i lartë edhe sonte.
Sipas vlerës së indeksit të cilësisë së ajrit, të cilën e ofron Ambasada Amerikane në Kosovë, në matjen e bërë në ora 20:00, ajri është klasifikuar në kategorinë që konsiderohet si ‘shumë i pashëndetshëm’.
Ky nivel i lartë i ndotjes së ajrit është i rrezikshëm për shëndetin e qytetarëve, shkruan periskopi.
Kohëve të fundit është rekomanduar që në net të tilla, kur ndotja e ajrit është aq e lartë, të evitohen daljet.
Ministria e Mjedisit dhe Planfikimit Hapësinor si dhe Komuna e Prishtinës për dy ditë kishin ndaluar qarkullimin e veturave në rrugët kryesore të kryeqytetit, por kjo masë kishte pasur pak ndikim në rritjen e cilësisë së ajrit.
