Vazhdon ndotja e ajrit në Prishtinë.
Me ngritjen e temperaturave është rikthyer edhe ndotja e ajrit në Prishtinë.
Në bazë të matësit për cilësinë e ajrit të ambasadës amerikane në Prishtinë, momentalisht ndotja e ajrit është shumë e pashëndetshme.
Në ora 22:00 kur edhe është regjistruar matja e fundit nga ky matës, ndotja e ajrit ka arritur në 255 PPM, shkallë kjo që llogaritet shumë e pashëndetshme, shkruan më tutje lajmi.net.
Këshillohet që të gjithë njerëzit t’i evitojnë daljet e tyre në natyrë gjatë kësaj kohe.
Madje kjo shkallë e ndotjes është shumë më e rrezikshme për të gjithë ata persona që kanë probleme të frymëmarrjes si astma.
Po ashtu këshillohet që prindërit në asnjë mënyrë të mos i ekspozojnë në natyrë fëmijët e tyre, pasi që kjo shkallë e ndotjes është mjaft e rrezikshme për ta.
