Reformat në sektorin e energjisë elektrike janë ngadalësuar ndërsa Shqipëria është vlerësuar me notë më të ulët nga Sekretariati i Energjisë në Komisionin e Veprimtarisë Prodhuese. Janez Kopac, drejtori ekzekutiv i sekretariatit të komunitetit të energjisë u shpreh se ka pasur vonesa në zbatimin e reformave në sektorin e energjisë.
“Ngadalësimi i reformave të tregut të energjisë vitet e fundit dhe vonesat e përsëritura të zbatimit të tyre kanë bërë që politikat të jenë konservatore për regullimin e tregut dhe të ketë një kontroll shtetëror të klientëve.”
Janez Kopac gjatë prezantimit të raportit për Shqipërinë vlerësoi punën e ish-ministrit Damian Gjiknuri.
Në raport u kërkua që të përfundohet sa më parë ndarja e OSHEE ndërsa u kundërshtua zgjatja e afatit për pagesat prej 180 ditësh pasi mund të vendosë në vështirësi konsumatorët.
