E ashtuquajtura Zyrë për Kosovë në Serbi, ka kërkuar lirimin e menjëhershëm të Milena Milojkoviç dhe Millosh Ivkoviç, të cilët u arrestuan dje në fshatin Metergovc të Podujevës.
Sipas kësaj zyre, dy serbët po shkonin në një vizitë familjare në një fshat të Podujevës, shkruan RadioKim.
Në deklaratën e tyre thuhet se ky është provokim dhe presion i radhës, të cilit nuk do t’i përgjigjen me panik por me rezistencë.
Nga Policia e Kosovës kanë bërë të ditur se dje janë arrestuar një femër dhe një mashkull, të dy shtetas të Serbisë, pasi të njëjtit me automjetin e tyre kombi kishin kaluar kufirin ilegalisht nga Serbia për në Kosovë.
Në automjet kishte të ngarkuar 50 kg mjaltë dhe 11 litra raki. Me vendim të prokurorit, të dyshuarit janë dërguar në mbajtje./Kosova Post/
