Ish kryeministri i Maqedonisë Nikolla Gruevski, ndaj të cilit është shpallur flet-arrest kombëtar, përmes një postimi në profilin e tij zyrtar në Facebook, shkroi se aktualisht po qëndron në Budapest dhe se ka kërkuar azil nga autoritetet hungareze.
“Ditët e fundit kam marrë një numër të madh kërcënimesh për jetën. Unë jam në Budapest dhe kam kërkuar azil politik te autoritetet hungareze. Gjithmonë do t’i jem besnik kauzës për Maqedoninë e asnjëherë nuk do të heq dorë”, shkruan ai./Top Channel/
