“Shporta e Ramazanit 2019”, FRI Ndan ndihma për nevojtarët dhe jetimët në Kosovë (Video)

71
0

Pas Shqipërisë, me rastin e Mujit të Madhërueshëm të Ramazanit Fondacioni i Rinisë Islame me qendër në Zvicër organizoi në Kosovë një tjetër aksion të madh bamirësie.

Familje të varfra dhe fëmijët jëtim ishin përsëri edhe këtë Ramazan fokusi i ndihmës së dhënë nga shqiptarët e Zvicrës për bashkatdhëtarët e tyre në Kosovë.

Stafi FRI-së të drejtuar nga vetë Kryetari Z.Lulzim Lecaj shpërndanë në Kosovë 400 pako me ndihma ushqimore.

Aksioni i projektit “Shporta e Ramazanit 2019” u organizua bashkëpunim me Fondacionin “Freskia”në tri Komuna të ndryshme të Kosovës. Zbatimi i këtij projekti nisi në Fushë- Kosovë ku Fondacioni i Rinisë Islame me Qendër në Zvicër në bashkëpunim me Fondacionin “Freskia” bënë të mundur shpërndarjen e 50 pakove me ndihma ushqimore në këtë komunë.

Më pas aksioni i dhurimit të ndihmave vazhdoi në Komunën e Hanit të Elezit 100 pako ushqimore pako për familjet e varfërsa dhe fëmijët jetimë.

Kryetari i Fondacionit të Rinisë Islame me qendër në Zvicër Lulzim Lecaj u shpeh se për shqiptarët muslimanë në zvicër dhe kontribuesit në projektin e këtij viti e rëndësishme është gëzimi dhe kujdesi për familjet e varfëra në këtë muaj të begatë.

Në Këtë aksion mori pjesë edhe Kryetari i Këshillit të Bashkësisë Islame të Hanit të Elezit Dr. Musa Vila i cili i falenderoi të gjithë ata që kanë kontribuar për dhurimin e këtyre ndihmave.

Përfaqësuesi i Fondacionit Freskia u shpreh i lumtur që edhe fondacioni i tij ju bashkangjit dhe kontribuoi në këtë aksion humanitar.

Aksioni humanitar vazhdoi më pas me shpërndarje e 250 pakove me ndihma edhe në Mitrovicë.

Për të disatin vit më radhë që Fondacioni i Rinisë Islame me Qendër në Zvicër organizon projektin e shpërndarjes së ndihmave “Shporta e Ramazanit” për familjet e varfëra dhe jetimët Kosovë dhe trojet e tjera Shqiptare.

Qëllimi i këtij projekti është që në këtë muaj të begatë tju vihet në ndihmë familjeve të varfëra duke ja lehtësuar sadopak varfërinë.

PËRGJIGJU

Please enter your comment!
Please enter your name here