Të paktën 3 presona u vranë dhe 9 u plagosën në një sulm ajror në perëndim të qytetit sirian, Halep.
Sulmi është kryer nga avionët luftarakë rusë. Burimet lokale thonë se të paktën dhjetë sulme ajrore u kryen në vendbanimet dhe pozicionet e opozitës gjatë natës.
“Sulmi është kryer nga avionët rusë që u ngritën nga baza Himeymim”, konfirmoi Observatori Ajror, i cili i përket opozitës siriane.
Drejtori i Mbrojtjes Civile të Halepit (Beretat e Bardha), Omer Hajj Abu Ubeyde konfirmoi se 3 civilë u vranë dhe 9 të tjerë u plagosën.
Në sulmet e forcave të regjimit që nga 17 shtatori, ditën kur u nënshkrua marrëveshja në Soçi, janë vrarë të paktën 45 civilë dhe një numër i madh i tyre janë plagosur.
Edhe pse opozita në përputhje me marrëveshjen e 10 tetorit, tërhoqi armët e rënda nga zona të caktuara, forcat e regjimit vazhdojnë të kryejnë sulme.
