Taksimi me 100 për qind i produkteve serbe nga qeveria e Kosovës duket se ka sjellë përfitime vetëm për dy kategori biznesesh në Shqipëri. Ato janë kompanitë e naftës dhe prodhuesit e çelikut, ndërsa bizneset e fushave të tjera rezultojnë të mos kenë përfituar nga kjo lëvizje.
Por pjesa dërmuese e kësaj rritje ka ardhur nga eksporti i karburanteve. Sipas INSTAT, në dy muajt e fundit të vitit 2018 eksporti i lëndëve djegëse nga Shqipëria në Kosovë u rrit me 5.5 herë krahasuar me të njëjtën periudhë të 2017-ës dhe nga 1.4 milionë euro që ishte arriti në 7.6 milionë euro.
Burime nga dogana thanë për top channel se një pjesë e kësaj rritje ka ardhur nga rieksporti, ku kompanitë shqiptare të karburanteve importojnë nga vendet e tjera dhe shesin në Kosovë, ndërsa pjesa tjetër ka ardhur direkt nga nafta e prodhuar në rafineritë e vendit.
Pas naftës produkti I dytë me rritjen më të madhe rezulton çeliku, eksportet e të cilit drejt Kosovës janë rritur me mbi 15.5 për qind.
Këta duket se janë dy përfituesit më të mëdhenj në Shqipëri nga bllokada që Kosova I bëri produkteve serbe, ndërsa bizneset e tjera nuk rezultojnë të kenë përfituar, pasi eksportet kanë qenë pak a shumë në të njëjtat nivele me vitet e mëparshme./Top Channel/