Të paktën 23 civilë, përfshirë gra dhe fëmijë, u vranë nga një sulm ajror i kryer nga SHBA në Afganistanin jugor, sipas një hetimi të OKB.
“Të gjeturat fillestare tregojnë se shumica dërrmuese e viktimave ishin gra dhe fëmijë,” tha misioni i OKB-së në Afganistan në një raport të marrë nga AFP, duke shtuar se së paku tre vetë u plagosën gjithashtu.
Sulmi ndodhi gjatë një përleshjeje në mes të forcave speciale afgane që punonin me këshilltarët e SHBA dhe luftëtarët talebanë.
Autoritetet provinciale kishin thënë më parë se disa anëtarë të një familjeje të vetme u vranë në sulm.
NATO ka thënë se po hetonte incidentin.
Civilët vazhdojnë të përballen me nivele ekstreme të dëmit, tha një raport i kohëve të fundit i OKB-së, me 8,050 njerëz të vrarë ose të plagosur në periudhën janar-shtator të këtij viti.
Dhuna ka përshkallëzuar në vitin e kaluar, ndërsa forcat amerikane dhe afgane shtyjnë terren dhe sulmet ajrore kundër talebanëve dhe grupit të armatosur terrorist ISIS./Mesazhi/