Nuk mbaj mend asgjë për ngjarjen, dhe jam i shokuar. Kështu ka deklaruar nga spitali i Fierit Arben Muça, një prej autorëve të tentativës së grabitjes së banesës së Minella Muçës.
Atij i është caktuar avokat kryesisht Ardjan Abazi, dhe prokurori Çlirim Sino ka kërkuar masë sigurie arrest me burg, e miratuar nga gjyqtarja Igerta Hysi.
35-vjeçari Muça ndodhet në spitalin e Fierit pasi mbeti i plagosur nga policia gjatë tentativës së grabitjes, rreth orës 03.00 të mëngjesit të së premtes.
Gjatë shkëmbimit të zjarrit me policinë, mbeti i vrarë Xhuljano Sollaku, 20 vjeç.
Top Channel
