Ballina Shqipëria Tërmeti 5.1 ballë i ka lënë 35 familje në qiell të hapur

Tërmeti 5.1 ballë i ka lënë 35 familje në qiell të hapur

91
0

 

Tërmeti i fortë me magnitudë 5.1 ballë i shkallës rihter i cili ra një ditë më parë, ka shkaktuar dëme të shumta në banesa në Qarkun e Dibrës. Emergjencat Civile raportojnë për 235 banesa të dëmtuara në të gjithë qarkun, ndërsa Bashkia e Matit është më e prekur nga pasojat e lëkundjeve sizmike, ku rezultojnë 90 shtëpi të cilat kanë pësuar dëmtime si çarje të mureve dhe tavaneve.

Nga këto 35 familje kanë mbetur në qiell të hapur, për shkak se banesat kanë pësuar dëmtime të shumta. Epiqendra e tërmetit është regjistruar pranë Njësisë Administrative Macukull ku janë disa shtëpi të cilat janë dëmtuar.

Për të inspektuar nga pranë situatën, në Mat pritet të mbërrijtë drejtori i Emergjencave Civile, Haki Çako. Gjithashtu, ekspertët e Emergjencave Civile ndodhen prej ditës së djeshme në terren në ndihmë të përfaqësuesve të pushtetit lokal.

PËRGJIGJU

Please enter your comment!
Please enter your name here