Presidenti i Kosovës, Hashim Thaçi ka reaguar ndaj deklaratës së kryeministrit Ramush Haradinaj, i cili ka kundërshtuar fuqishëm idenë e shkëmbimit të territoreve, derisa e ka quajtur atë ide të tragjedisë në Ballkan.
Në një postim në Facebook, Presidenti Thaçi ndër të tjera shkruan se, individë të caktuar në vendin tonë, me veprimet e tyre po tentojnë të krijojnë panik dhe konfuzion.
Postimi i plotë i Presidetit Thaçi:
Të gjitha shtetet perëndimore, aleatët tanë, garantuesit e paqes dhe sigurisë në Ballkan po bëjnë përpjekje dhe thirrje për paqe, stabilitet dhe arritje të marrëveshjes përfundimtare ndërmjet Kosovës dhe Serbisë. Kjo marrëveshje nënkupton njohje reciproke dhe perspektivë të sigurt të anëtarësimit të Kosovës në BE, NATO dhe OKB. Por, fatkeqësisht, individë të caktuar në vendin tonë, me veprimet e tyre po tentojnë të krijojnë panik dhe konfuzion. Kosova, përkundër kësaj, mbetet e përkushtuar për dialog dhe arritje të marrëveshjes paqësore përfundimtare. Thirrjet për luftë dhe tragjedi të reja në Ballkan i takojnë mentalitetit të shekullit të kaluar dhe si të tilla, meritojnë vetëm të hidhen në shportë./HTH
/Kosova Post/
