Një e dyshuar u arrestua në kryeqytetin e Turqisë, Ankara, për lidhje me organizatën terroriste FETO, grupi që ndodhet pas tentativës për grusht shteti në vitin 2016, tha një burim sigurie.
Ish-gjykatësja Menekşe Uyar akuzohet për privim nga liria, keqpërdorim të detyrës, si anëtare e një organizate terroriste të armatosur dhe shkelje të kushtetutës.
Gjyqi për të dyshuarën do të mbahet në gjykatën e lartë, së bashku me 50 ish-gjyqtarë dhe prokurorë me lidhje të dyshuara me FETO-n.
FETO dhe udhëheqësi i saj me qendër në SHBA, Fetullah Gülen, orkestruan tentativën për grusht shteti më 15 korrik 2016, e cila la 251 njerëz të vdekur dhe afro 2.200 të plagosur.
Turqia gjithashtu akuzon FETO që qëndron pas një fushate të gjatë për rrëzimin e shtetit përmes infiltrimit në institucionet turke, veçanërisht ushtri, polici dhe gjyqësor.
