Këshilli i Arsimit të Lartë i Turqisë (YÖK), deri në marrjen e një vendimi të ri ka vendosur mosregjistrimin e studentëve në degët e Gjuhës dhe Letërsisë Frënge dhe mësuesit e gjuhës frënge në institucionet e arsimit të lartë të cilët ende nuk kanë filluar pranimin e studentëve.
Sipas infromacioneve të marra nga YÖK mësohet se për marrjen e këtij “vendimi kufizues” kanë qenë efektiv kryesisht “marrëdhënia diplomim-punësim” dhe “reciprociteti” me Francën. Ndërkohë që bëhet e ditur se në asnjë universitet në Francë nuk ndodhet asnjë degë e Gjuhës dhe Letërsisë Turke ose Turkologji që të ofrojë arsim në nivelin universitar.
Zyrtarët e YÖK kanë njoftuar se në Turqi arrin në 16 numri i programeve dhe degëve të Gjuhës dhe Letërsisë Frënge dhe mësuesit e gjuhës frënge të cilët ende nuk kanë filluar të pranojnë studentë.
Më tej theksohet se në sistemin e arsimit të lartë janë 19 programe dhe degë të Gjuhës dhe Letërsisë Frënge dhe mësuesit e gjuhës frënge të cilët kanë studentë dhe vazhdojnë arsimin.
Ndër të tjera njoftohet se departamentet ekzistuese që kanë studentë do të vazhdojnë pa ndonjë pengesë programin e tyre arsimor.
