Veseli fton investitorët nga Japonia për të investuar në Kosovë

Mos i humb

Kryetari i Kuvendit, Kadri Veseli, i cili po qëndron për vizitë zyrtare në Japoni, ka ftuar investitorët japonezë që të investojnë në Kosovë.

Në vazhdim të vizitës së tij në Tokio, kryetari i Kuvendit të Kosovës, Kadri Veseli, u prit në takim nga Hiroshigo Seko, ministër për Ekonomi, Tregti dhe Industri në Qeverinë japoneze.

Në fjalën e tij, kryetari Veseli bëri një ekspoze të mundësive që ofron Kosova në fushën e investimeve të jashtme, duke potencuar faktin e lehtësirave fiskale për bizneset e reja si dhe fuqinë e re punëtore.

Siç bëhet e ditur në njoftim, Veseli kërkoi nga ministri Seko që bizneset japoneze të vijnë në Kosovë për të hulumtuar mundësitë investive.

Nga ana e tij, ministri japonez i Ekonomisë, tha se Japonia është e interesuar që bizneset e saj, sidomos markat e njohura të industrisë japoneze, të jenë sa më shumë prezente në Evropë dhe Kosova përbën një fushë të interesimit.

Ai tha se tash që do të fillojë punën ambasada japoneze në Prishtinë, mundësitë e komunikimit dhe bashkëpunimit do të jenë shumë herë më të mëdha.

Kryetari Veseli përmendi sektorin e teknologjisë së informacionit, si një sektor në të cilin ekziston një potencial i madh bashkëpunimi midis dy vendeve.

Të dy bashkëbiseduesit ranë dakord që në të ardhmen e afërt të ndodhin vizita reciproke të delegacioneve nga fusha e bizneseve, në mënyrë që bashkëpunimi të fillojë me hapa konkretë.

- ISLAMSHOP.CH -spot_img
- ISLAMSHOP.CH -spot_img

Të fundit