Kryetari i Kuvendit të Kosovës, Kadri Veseli ka përkujtuar ish-presidentin e Kosovës, Ibrahim Rugova, në përvjetorin e 13-të të vdekjes së tij.
I pari i Kuvendit tha se “kujtojmë e nderojmë Ibrahim Rugovën, presidentin e parë të Kosovës. Emri i tij zë një vend shumë të merituar në historinë më të re të vendit tonë”.
Mes tjerash Veseli shtoi se “Rugova, mes shumë tjerave, besonte thellësisht në vlerën e pashmangshme që ka dialogu politik për të ecur përpara, prandaj, sot, nderimi për Rugovën nënkupton përvetësimin e kësaj vlere dhe veprimin politik që del prej saj”.
