Me ftesë të kryeministres britanike Therese May, kryeministri turk Binali Yıldırım do të vizitojë Mbretërinë e Bashkuar më 26 dhe 27 nëntor.
Përveç temave dypalëshe, Yıldırım dhe May do të diskutojnë gjithashtu edhe mbi çështje lidhur me ekonominë, sigurinë dhe mbrojtjen si dhe forcimin e bashkëpunimit dypalësh.
Gjithashtu, në takime do të diskutohet rreth zhvillimeve në rajon, si situata në Siri dhe Irak, por edhe për luftën e përbashkët kundër terrorizmit.
Gjatë vizitës, Kryeministri i Republikës së Turqisë do të takohet me investitorët dhe përfaqësuesit e mediave./Rtv Islam/