Prej ditësh banorët e Rrjollit në Velipojë janë në protesta të vazhdueshme në kundërshtim të ndërtimit të një resorti turistik.
Gazetari i ka lexuar Berishës një mesazh e një qytetari, i cili pyet kryedemokratin se si ka mundësi që PD i thërret nesër shqiptarët në një protestë kombëtare në Tiranë, por nuk i mbështet këta banorë në protestën e tyre.
Kryedemokrati tha se kjo nuk është e vërtetë pasi deputetët e PD por e ndjekin rastin.
“Ne mbështesim çdo protestë të drejtë. I them qytetarit që nuk është e vërtetë që PD nuk është interesuar. Deputetë të PD kanë qenë aty dhe janë marrë me problemin. Natyrisht mbështesim protestën kur problemet janë gjithçka bazuar mbi dokumente të sakta. Momentalisht po e ndjekim çështjen”, tha ai.
