Pak pas kaosit në Kuvend dhe betimit të Avokatit të Popullit Endri Shabani, grupi parlamentar i Partisë Demokratike po zhvillon një mbledhje me dyer të mbyllura.
Sipas informacioneve për RTSH, grupi i PD-së po mbledh firmat e nevojshme për të depozituar në Gjykatën Kushtetuese zgjedhjen e Avokatit të Popullit.
Po ashtu në mbledhjen e grupit po diskutohet për përpilimin e një kërkesë drejtuar Kuvendit për zhvillimin e një seance të jashtëzakonshme për çështjen Balluku.
Kujtojmë se në seancën e sotme plenare, opozita kontestoi betimin e Endri Shabanit si Avokat i Popullit, duke ndezur flakadanë e përmbysur karrige.
