Ish-drejtori i AKUM Ceno Klosi, emërohet drejtor i Përgjithshëm i Tatimeve.
Klosi zëvendëson në detyrë Delina Ibrahimin, e cila në këtë mandat u emërua Ministre e Financave dhe Ekonomisë. Vendimi është marrë në mbledhjen e ditës së djeshme të Këshillit të Ministrave.
Vendimi i plotë:
EMËRIMIN E DREJTORIT TË PËRGJITHSHËM TË TATIMEVE
Në mbështetje të nenit 100 të Kushtetutës dhe të pikës 2, të nenit 17, të ligjit nr.9920, datë 19.5.2008, “Për procedurat tatimore në Republikën e Shqipërisë”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
Z. Ceno Klosi emërohet në detyrën e drejtorit të Përgjithshëm të Tatimeve.
Ngarkohen Ministria e Financave dhe Ekonomisë dhe Drejtoria e Përgjithshme e Tatimeve për zbatimin e këtij vendimi.
Ky vendim hyn në fuqi menjëherë.
K R Y E M I N I S T R I
EDI RAMA
