Zëdhënësja e Partisë Demokratike, Ina Zhupa shprehet se kryeministri Edi Rama nuk është I besueshëm në faktin se mund ta përballojë situatën pas tërmetit të 26 nëntorit.
Në një status në rrjetet sociale, Zhupa ka publikuar një video me disa nga deklaratat e kryeministrit, ku afatet për rindërtimin e banesave të dëmtuiara ka ndryshuar me kalimin e kohës.
Krahas videos, zëdhënësja e PD-së, shkruan se pikërisht këto shtyrje afatesh tregojnë se Rama i ka mashtruar banorët që nga tërmeti i Korçës e deri tek ai i 26 nëntorit.
“Ja pse Rama nuk është i besueshëm as për përballimin e pasojave të tërmetit! Deklaratat e Ramës tregojnë qartë që ai nuk ka idenë, nuk ka një plan edhe nuk ka asnjë përgjegjësi për ato që thotë në lidhje me rindërtimin pas termeteve.
Duke e nisur që nga termeti i Korçes, ai ju deklaroj banorëve që brenda verës do zgjidhej me banesa të reja dhe në vjeshtë do hynin në shtepitë e reja. Asgjë nuk ka ndodhur, sot 6 muaj mbrapa atij tërmeti. I ka mashtruar banorët e Korces.
Vazhdon ndryshon deklaratat për afatet e rindërtimit pas termetit të 26 nëntorit. Në 27 nëntor pas tërmetit të tmerrshem në Durrës deklaronte se brenda vitit 2020 do ishin banorët nëpër shtepi të reja, më pas me 14 dhjetor e shtyu duke e lënë për qershorin 2021.
Po ashtu ndryshon deklaratat për paratë që nevojiten për rindërtimin. Në parlament deklaron se mund ti bejmë me parate tona, në Turqi deklaron qe nuk i bëjmë dot me parate tona na duhen ndihma. Është i gatshëm të sakrifikoj cdo para të qytetarëve, gjelin e festave të pensionistëve, shpërblimet e administrates, rrogat e mësuesve dhe policeve por nuk pranon të preki asnjë qindarkë nga milionat e eurove te oligarkëve. Ndiqni videon për të kuptuar se jemi përballe një kryeministri qe nuk di se cfare flet dhe nuk ka vullnetin të bëj me të mirën për shqiptarët,”- shkruan Zhupa në statusin e saj.
Tërmeti i 26 nëntorit rezultoi tragjik, pasi humbën jetën 51 persona, mbi 900 të tjerë u lënduan, 47 u nxorën gjallë nga rrënojat. Ky tërmet shkaktoi edhe shumë dëme materiale, mijëra banesa janë dëmtuar dhe për këtë Rama ka ngritur Komitetin e Rindërtimit
