Nga kodra, mbi të cilën qëndron Kalaja e Beratit dhe lagjja muzeale e Mangalemit, s’ka muaj që të mos bien gurë.
Erozioni rrezikon banorët dhe drejtuesit e mjeteve. Banorët nuk harrojnë sa herë gurët u kanë rënë mbi shtëpi, apo mbi makina.
Pas gurëve të fundit, që ranë më herët këtë vit, Bashkia ka vendosur bllokimin e një pjese të rrugës nacionale, por duhet një zgjidhje përfundimtare.
Pas studimit të zonës nga Instituti i Gjeologjisë, pritet një zgjidhje afatgjate për të shmangur këtë rrezik, që prej vitesh u kanoset jo vetëm qytetarëve, udhëtarëve, por edhe turistëve të huaj.
