Ministri i Jashtëm Ditmir Bushati është takuar me ambasadorët e vendeve anëtare të BE-së, fill pas raportit të publikuar për Shqipërinë.
Bushati thotë se vendet anëtare njohin arritjet e Shqipërisë dhe e rëndësishme që të vijohet me ritmin e reformave dhe thellimin e tyre.
“Pas rekomandimit të qartë të Komisionit Evropian për fillimin e bisedimeve për anëtarësim në BE, sot në MEPJ në një mëngjes pune me Ambasadorët e vendeve anëtarë të Bashkimit Evropian, disktuam mbi gjetjet e raportit dhe rrugën e mëtejshme. Vendet anëtare njohin arritjet e Shqipërisë në fushën e reformave të sundimit të së drejtës, mbi bazën e të cilave Komisioni rekomandoi fillimin e bisedimeve. Është e rëndësishme që të vijojmë me ritmin e reformave dhe thellimin e tyre”, shkruan Bushati./Top Channel/
