Partia Socialiste ka dorëzuar sot në Komisionin Qëndror të Zgjedhjeve kërkesën për regjistrim në zgjedhjet e 30 Qershorit 2019.
Kërkesa e siguruar për “BalkanWeb” nga gazetari Ergys Gjencaj, mban firmën e Sekretares për Koordinim Elektoral, Blerina Gjylameti.
Socialistët janë të vendosur të shkojnë në zgjedhje edhe nëse opozita nuk merr pjesë, si një detyrim ndaj qytetarëve që i kanë votëbesuar, siç shprehet edhe vetë kryeministri Rama.
Ndërkohë nga ana tjetër opozita e bashkuar ka deklaruar se do të bojkotojë zgjedhjet e do të vijojë me protestat. Ajo e radhës është paralajmëruar më 13 prill.
