Përderisa nuk zgjidhet çështja e Kosovës, Serbia do të marrë kritika në raportet e Komisionit Europian dhe nuk do të ketë përparim të shpejtë të cilin e meritojmë.
Kështu ka thënë zëvendëskryeministrja serbe, Zorana Mihajlloviç, në një prononcim për mediat serbe pas një forumi punues të mbajtur atje me temën “Serbia-Rusia”.
Ajo ka vlerësuar se çështja e Kosovës është çështja mbi të gjitha çështjet dhe se ka të bëjë me të ardhmen dhe zhvillimin e Serbisë, ndërsa ka shfaqur shpresën se kjo çështje do të zgjidhet me kompromis.
“Raport i ri, kritika të vjetra, lavdërime të vjetra”, ka vlerësuar ajo raportin e fundit të progresit nga KE-ja për Serbinë. Mihajlloviç ka shtuar se raporti ka njohur disa përparime, siç është fusha e ekonomisë.
