Japonia synon të largojë Korenë e Jugut nga lista preferenciale e tregtisë së saj, duke sinjalizuar zgjerimin e përçarjes mes dy vendeve.
Mediat lokale raportojnë se masa është pjesë e një lufte tregtare që po ndodh midis dy fqinjëve në rajonin e Paqësorit, pasi Tokio ngadalësoi furnizimin e tre artikujve jetikë elektronikë në Seul në fillim të muajit korrik.
“Japonia më 2 gusht do të vendosë për largimin e Koresë së Jugut nga lista e saj e vendeve të lejuara për të tregtuar nën marrëveshjen preferenciale, për të blerë produkte me përdorim të dyfishtë që mund të devijohen për përdorim ushtarak”, raportoi agjencia japoneze e lajmeve Kyodo.
Shefi i sekretarit të kabinetit japonez, Yoshihide Suga, u tha gazetarëve se ata besojnë se ky është një hap i duhur nga zbatimi i kontrolleve efektive të eksportit për të larguar Korenë e Jugut nga “lista e bardhë”. Por, ai shtoi se asgjë nuk është vendosur ende.
Nëse miratohet, plani do të funksionalizohet deri në fund të muajit gusht. Japonia i akordoi statusin e tregtisë preferenciale Koresë së Jugut në vitin 2004.
Ministrja e Punëve të Jashtme e Koresë së Jugut, Kang Kyung, ka kërkuar nga homologu i tij japonez të rishqyrtojnë planin e propozuar.
“Veprimi do të përkeqësojë situatën aktuale”, tha Kyung, duke i kërkuar Tokios që të shfuqizojë planin e 4 korrikut që kufizon eksportet në Korenë e Jugut.
Të dy vendet, aleatë të ngushtë të SHBA-ve në rajon, po përjetojnë marrëdhënie të ngrira, pasi një gjykatë koreane tetorin e kaluar urdhëroi kompanitë japoneze të paguajë kompensimin për viktimat e kohës së luftës, por Tokio refuzoi të zbatojë urdhrin.
Japonia, e cila kishte pushtuar Gadishullin Korean nga viti 1910 deri më 1945, akuzohet për shkelje të të drejtave të shkallës së lartë.
Tokio ka thënë se rendi i gjykatës koreane ka dëmtuar rëndë besimin reciprok.
Koreja e Jugut është midis 27 vendeve në listën preferenciale tregtare të Japonisë. Vendimi do të ndikojë në furnizimin me artikujt me përdorim të dyfishtë. Ata janë sende të tilla që kanë edhe përdorime komerciale dhe ushtarake. Për tregtimin e artikullit të tillë në një vend jo-preferencial kërkohet një miratim paraprak nga Ministria e Tregtisë, kështu duke ngadalësuar procesin e eksportit.
