Presidenti amerikan Donald Trump u ndërpre gjatë një fjalimi në Jamestown, Virxhinia, nga një ligjvënës me origjinë palestineze, pas akuzave për racizëm ndaj tij, raporton AFP.
Trump mbajti një fjalim me rastin e 400-vjetorit të Asamblesë së Përgjithshme në Jamestown, e cila strehoi koloninë e parë të përhershme britanike në kontinentin amerikan.
Demokrati nga Virxhinia, Ibraheem Samirah e ndërpreu fjalimin e tij, duke përcjellë mesazhe si: “Elimino urrejtjen”, “Mbro familjen time” dhe “Ktheju korrupsionit tënd”.
“Presidenti Donald Trump, një promovues i urrejtjes dhe politikave helmuese, ka ardhur për të festuar vlera demokratike përveç atyre të tij”, u tha në një deklaratë të lëshuar në Twitter nga Samirah, një deputet i ri, bir i refugjatëve palestinezë.
“Unë qëndroj në solidaritet me këdo që është i angazhuar për të mposhtur racizmin dhe vlerësuar emigrantët”, shtoi ai.
Samirah, i cili u duartrokit nga një pjesë e të pranishmëve, shpejt dhe pa vëmendje u largua nga mitingu, pas së cilës Trump vazhdoi fjalimin e tij pa përmendur incidentin.
Anëtarët e Dhomës së Përfaqësuesve të ligjvënësve afrikano-amerikanë nga Virxhinia, bojkotuan gjithashtu festimin e ngjarjes historike pas ardhjes së Donald Trump.
Trump është në shënjestër të akuzave të reja për racizëm në Shtetet e Bashkuara pas sulmeve të mprehta ditët e fundit mbi një ligjvënëse afrikano-amerikane, si edhe mbi pastorin Al Sharpton, një aktivist i shquar i të drejtave afrikano-amerikane. /tesheshi.com/
