Suedia ka njoftuar ndalimin e tubimeve me mbi 500 persona për shkak të pandemisë së koronavirusit, bëhet e ditur përmes një deklarate të qeverisë suedeze, (AA).
Ndalimi përfshin edhe lutjet e së premtes nëpër xhamitë me kapacitet më shumë se sa numri i përmendur.
Aktivitetet sportive po ashtu nuk do të kenë tifozë për shkak të kufizimeve të reja dhe shkeljet mund të shkaktojnë veprim ndëshkues deri në 6 muaj burg, thuhet në deklaratë.
“Fittja Ulu”, një nga xhamitë më të mëdha në Stokholm që i përket Drejtorisë së Çështjeve Fetare Turke (Diyanet), përkohësisht ka mbyllur dyert e saj për lutjet e së premtes.
Kryetari i xhamisë Ismail Okur për AA tha se do të mbyllin xhaminë në përputhje me vendimin e qeverisë deri në përfundimin e kufizimeve.
Ai tha se xhamia mund të zë 1.500 adhurues dhe xhamia bëhet me të vërtetë e mbushur me njerëz të premten.
Kufizimet erdhën pasi Agjencia e Shëndetit Publik e Suedisë përmirësoi rrezikun e përhapjes në vend nga mesatarja në shumë të lartë dhe Organizata Botërore e Shëndetësisë (OBSH) e shpalli koronavirusin një pandemi globale.
Sipas OBSH-së, numri i përgjithshëm i vdekjeve nga virusi ka tejkaluar shifrën prej 4.600 me mbi 124.500 raste të konfirmuara.
