Ministri i Transportit në Irak, Nasser Bandar dhe familja e tij janë testuar pozitiv me koronavirusin e ri (COVID-19), tha sot një burim mjekësor irakian.
“Testet konfirmuan se ministri dhe familja e tij kanë kontraktuar sëmundjen”, tha burimi në kushte anonimiteti.
Bandar është ministri i parë në qeverinë e Irakut që ka kontraktuar virusin.
Dy ligjvënëse femra u testuan pozitiv me COVID-19 në fillim të kësaj jave.
Autoritetet shëndetësore të Irakut deri më tani kanë konfirmuar 22.700 raste, përfshirë 712 vdekje.
