Takimi me banorët e fshatit Berdenesh të Sarandës, ka qenë ndalesa e radhës e drejtuesit politik të Partisë Demokratike Bujar Leskaj.
Në shoqërinë edhe të kandidatëve Ina Zhupa dhe Jolio Dine, Leskaj ka folur nga afër me banorët ku ka dëgjuar dhe problemet e tyre, për të cilat është angazhuar t’u japë zgjidhje me ardhjen në pushtet te Partisë Demokratike.
Për kandidatin për deputet Jolio Dine, problemet e Berdeneshit janë jetësore dhe këto mungesa të mëdha për ta janë pasojë e mungesës së vëmendjes nga qeveria aktuale.
Nga krahu tjetër, Leskaj ka folur edhe për deklaratën e kryeministrit për largimin e rinisë shqiptare dhe ardhjen e emigrantëve si fuqi punëtore.
Leskaj ka thënë se largimi i të rinjve është përgjegjësi e shtetit, nga mungesa e politikave motivuese.
Për banorët e Berdeneshit, politikat e qeverisë Rama kanë qenë dëmtuese dhe jo në favor të tyre.
Ata thonë se në 8 vite për ta nuk është bërë asnjë investim, jo vetëm për Berdeneshin, por për gjithë Sarandën.
Banorët e Bredeneshit kanë dhënë mbështetjen e tyre për Partinë Demokratike dhe programin e saj.
