Gjykata e Tiranës ka caktuar “arrest shtëpie” për Ankela Mulletin, shoferen e makinës që u përfshi në aksidentin e trefishtë ku humbi jetën 45-vjeçari Fatmir Avdillari, i njohur ndryshe si “Xubi i Yzberishtit”.
Mësohet se Mulleti akuzohet për shkelje të rregullave të qarkullimit rrugor pasi gjatë aksidentit bëri një manovër të gabuar. Mulleti është nënë e dy fëmijëve të mitur.
Vlen për tu theksuar se Avdillari po qarkullonte me motorin e tij me një shpejtësi marramendëse prej 180 km/h.
Edhe organi i akuzës kishte kërkuar masën “arrest shtëpie” për Anekla Mulletin, masë e cila u vendos nga gjykata.
