Një sherr mes të rinjvë për motive pronësie ka ndodhur ditën e djeshme në zonën e Yrshekut në Tiranë.
Policia bën me dije se gjatë konfliktit, një 23-vjeçar me iniciale F.N ka qëlluar me armë zjarri në ajër dhe më pas është larguar nga vendi i ngjarjes. I riu është shpallur në kërkim.
Njoftimi i policisë:
Më datë 21.05.2021, është bërë shpallja në kërkim dhe punohet për kapjen e shtetasit F. N., 23 vjeç, pasi dyshohet se ditën e djeshme në fshatin Yrshek gjatë një konflikti për motive pronësie ka qëlluar njëherë me armë zjarri në ajër dhe më pas është larguar nga vendngjarja. Si dhe u referuan materialet në Prokurorinë pranë Gjykatës së Shkallës së Parë Tiranë për 4 shtetas të tjerë, pjesëmarrës në konflikt.
