Këshilli i Lartë Gjyqësor ka zbardhur sot vendimin që çoi në pezullimin e kryegjyqtares së Elbasanit Enkeleda Kapedani, pas videove mes “mafies” dhe luksit në Tik Tok.
KLGJ i ka lënë disa detyra Inspektorit të Lartë të Drejtësisë ku duhet të caktojë një ekspert IT dhe të përcaktojë se kush i publikoi videot e Kapedanit në rrjetin “Tik Tok”.
Gjithashtu, KLGJ i kërkon ILD që të verifikojë sa persona kanë pasur akses për t’i parë videot e gjyqtares, e cila shfaqej duke bërë sfilatë në ambientet e Gjykatës së Elbasanit, ose duke thyer rregullat e qarkullimit rrugor në timon.
Por, detyra më e çuditshme që KLGJ i cakton ILD është dokumentimi i tekstit të këngëve, që shoqërojnë në sfond imazhin e magjistrates, në videon e publikuara në rrjetin e saj të “Tik Tok”.
Një ndër këngët që dëgjohej në sfond në videot e Kapedanit ishte “Maffia” e reperit Don Xhon.
