Turqia do të vazhdojë të bëjë më të mirën për të vendosur paqen midis Moskës dhe Kievit dhe është gati të presë negociatat nëse palët janë të gatshme, tha ministri i Jashtëm turk, Hakan Fidan.
Deklarata e Fidan erdhi gjatë një takimi me homologun e tij bjellorus, Serghei Aleinik, i cili ishte për vizitë në Ankara.
Sipas CNNTurk, gjatë takimit Fidan rikonfirmoi se Turqia kërkon dhënien fund të konfliktit midis Rusisë dhe Ukrainës.
“Zgjatja e luftës ka efekte negative si në nivel rajonal ashtu edhe në atë global”, theksoi ministri i Jashtëm turk, Fidan.
