Presidenti amerikan, Donald Trump do të bëjë një njoftim në lidhje me Bordin e tij të Paqes, të nisur si pjesë e armëpushimit në Gaza të ndërmjetësuar nga SHBA-të, këtë javë në Davos, tha Shtëpia e Bardhë.
Trump do të nënshkruajë Kartën e Bordit të Paqes në orën 10:30 (09:30 GMT) të enjten, në kuadër të Forumit Ekonomik Botëror.
Trump do të flasë në forum, i cili mbahet çdo vit në vendpushimin alpin zviceran, të mërkurën pasdite.
Vendet evropiane deri më tani kanë reaguar me kujdes ndaj Bordit të Paqes të Trump, i cili kryesohet nga vetë Trump.
Organizimi, ndër detyra të tjera, do të përqendrohet në rindërtimin e Rripit të Gazës së shkatërruar, do të mbikëqyrë armëpushimin midis Izraelit dhe Hamasit dhe do të mbikëqyrë punën e një komiteti teknokratësh palestinezë të ngarkuar me administrimin e shërbimeve publike.
Përveç aleatëve kryesorë tradicionalë evropianë të SHBA-së, përfshirë Francën, Gjermaninë dhe Mbretërinë e Bashkuar, presidenti rus Vladimir Putin dhe presidenti turk Rexhep Tajip Erdogan janë ftuar gjithashtu të bashkohen.
Bordi i Paqes ishte fillimisht pjesë e fazës së dytë të planit të paqes të Trump për Gazën.
Tani ka indikacione se Shtetet e Bashkuara dëshirojnë ta zgjerojnë ndjeshëm mandatin e tyre në promovimin e stabilitetit dhe zgjidhjen e konflikteve në mbarë botën.
