Vendet e BE-së miratuan paketën e 19-të të sanksioneve kundër Rusisë për shkak të luftës së saj kundër Ukrainës, e cila përfshin ndalimin e importeve të gazit natyror të lëngshëm rus (LNG), tha presidenca daneze e rradhës e BE-së, sipas “Reuters”.
Sllovakia ishte bllokuesja e fundit pasi vendet e BE-së ranë dakord për dokumentin përfundimtar javën e kaluar.
Kryeministri i Sllovakisë, Fico ka kërkuar siguri nga Komisioni Evropian për çmimet e larta të energjisë dhe përafrimin e objektivave klimatike me nevojat e prodhuesve të automjeteve dhe industrisë së rëndë.
Ndalimi i LNG-së do të hyjë në fuqi në dy faza: kontratat afatshkurtra do të përfundojnë pas gjashtë muajsh dhe kontratat afatgjata nga 1 janari 2027.
Ndalimi i plotë vjen një vit më herët se plani i propozuar i Komisionit Evropian për t’i dhënë fund varësisë së bllokut nga lëndët djegëse fosile ruse.
Paketa e re shton gjithashtu kufizime të reja udhëtimi për diplomatët rusë dhe liston 117 anije të tjera nga “flota hije” e Moskës, kryesisht cisterna, duke e çuar totalin në 558.
Listat përfshijnë banka në Kazakistan dhe Bjellorusi.
