Kina gjithmonë ka pohuar se thelbi i marrëdhënieve ekonomike dhe tregtare me BE-në bazohet në avantazhe plotësuese dhe përfitime të ndërsjellta, vuri në dukje zëdhënësi i Ministrisë së Tregtisë He Yadong.
“Ky është rezultat i një kombinimi faktorësh, duke përfshirë ndryshimet në fazat e zhvillimit ekonomik dhe strukturat industriale të të dyja palëve, si dhe ndryshimet në kërkesën e tregut”, shtoi ai duke reaguar ndaj vlerësimit të presidentit Francez Emmanuel Macron për nevojën për të ribalancuar në mënyrë bashkëpunuese marrëdhëniet ekonomike midis Brukselit dhe Pekinit.
Pekini fton Evropën për të parandaluar miratimin e masave proteksioniste. BE kohët e fundit ka rritur kufizimet tregtare dhe ekonomike ndaj Kinës.
Pekini shpreson që BE do të punojë me Kinën për të mbështetur konsensusin e rëndësishëm të arritur gjatë takimit të udhëheqësve Kinë-BE, për të kundërshtuar së bashku proteksionizmin, për të ruajtur tregjet e hapura dhe për të ushtruar përmbajtje dhe maturi në përdorimin e instrumenteve kufizuese tregtare dhe ekonomike”, shtoi ai.
‘’Brukseli do të ofrojë një mjedis ekonomik të drejtë, transparent, jo-diskriminues dhe të parashikueshëm për kompanitë kineze për të kryer bashkëpunim tregtar dhe investimi në Evropë”, përfundoi Yadong.
