Qeveria është përcaktuar t’ia lërë në diskrecion Federica Mogherinit të vendosë se kush duhet ta përfaqësojë Kosovën në dialogun me Serbinë, është leximi që vëzhgues të procesit të negociatave i kanë bërë Projektligjit për detyrat, përgjegjësitë dhe kompetencat e Delegacionit shtetëror.
Delegacioni, për të cilin flet Projektligji, shihet vetëm si monitorues i procesit.
Përparim Kryeziu, hulumtues në Grupin për Studime Juridike dhe Politike, ka thënë se Projektligji nuk i përmbahet zotimit kryesor nga sponzorizuesit e tij për t’ia kufizuar presidentit Hashim Thaçi fushëveprimin në dialog, shkruan koha ditore, e njëkohësisht nëpërmjet marrjes së kryesimit të delegacionit, të riorientojë dialogun larg nga ideja e presidentit për rivizatim kufijsh.
