Home Bota Gjermani, 12 të arrestuar gjatë operacionit kundër grupeve të së djathtës ekstreme

Gjermani, 12 të arrestuar gjatë operacionit kundër grupeve të së djathtës ekstreme

34
0
SHARE

Policia gjermane arrestoi 12 persona nën dyshimin e përfshirjes në formimin e një organizate terroriste të krahut të djathtë, e cila raportohet se planifikonte të vinte në shënjestër politikanët dhe pakicat në Gjermani,(AA).

Zyra e Prokurorisë Federale tha se katër burra u arrestuan me dyshimin për themelim dhe pjesëmarrje në organizatën terroriste të krahut të djathtë. Ata u identifikuan si Werner S, Michael B, Thomas N. dhe Tony E. Po ashtu, tetë persona të tjerë janë arrestuan nën dyshimin për mbështetje të organizatës.

Prokuroria Federale tha se katër të dyshuarit kryesorë kanë themeluar një organizatë në shtator të vitit 2019 me qëllim të rrënimit të rendit shtetëror dhe shoqëror të Gjermanisë.

Prokurorët pohojnë se të dyshuarit donin të arrinin qëllimin e tyre me sulme ende të papërcaktuara ndaj politikanëve, azilkërkuesve dhe muslimanëve, duke provokuar një situatë të ngjashme me luftën civile.

Më herët, policia bastisi ambientet e lidhura me të dyshuarit në 13 lokacione në gjashtë shtete federale.

Prokuroria Federale tha se bastisejt policore kanë siguruar prova të mjaftueshme për të kërkuar zyrtarisht urdhër arresti për të dyshuarit.

LEAVE A REPLY

Please enter your comment!
Please enter your name here