Çështja të pagjeturve do të jetë njëra nga temat që do të diskutohen në dialogun Kosovë-Serbi. Ky ishte premtimi i kryeministrit Ramush Haradinaj, për familjarët e të pagjeturve.
Haradinaj gjatë homazheve të bëra tek obelisku i të pagjeturve, tha se edhe kërkesa për ligjin për të pagjeturit është legjitime dhe do të trajtohet me kujdes.
“Nuk është një fazë e lehtë. Besoj që tash në fazën finale të dialogut është e logjikshme të pritet përgjigje për pjesën e të pagjeturve. Ishte edhe një kërkesë që është shumë legjitime për ligjin për të pagjeturit dhe besoj se do ta trajtojmë me kujdes”, tha kryeministri Haradinaj.