Autoritetet e qytetit të Nju Jorkut janë detyruar të paguajnë 180,000 dollarë për tre gra muslimane, të cilat u detyruan të heqin shamitë e tyre gjatë fotografimeve nga ana e policisë.
Gratë, të cilat u përfshinë në incidente të veçanta, secila prej tyre ishin detyruar të hiqnin hixhabin nga oficerët e policisë gjatë arrestimeve të tyre dhe më vonë u konsiderua si shkelje e lirive të tyre fetare. Rasti i parë daton që nga viti 2012, ku një nxënëse e shkollës së mesme, e njohur vetëm si G.E, ishte përfshirë në një grindje me nxënës të tjerë, të cilët ajo pretendonte se kishin përhapur zëra për të.
G.E. u kthye në lagjen 62 të Departamentit të Policisë së Qytetit të Nju Jorkut për pyetje të mëtejshme nga oficerët.
Gruaja nuk pranoi të fotografohej në publik pa shaminë e saj dhe më pas u dërgua në një dhomë fqinj. Pavarësisht se ishte premtuar se një oficere femër do të merrte foton, por në vend të kësaj, një koleg mashkull e kishte fotografuar.
Çështja penale kundër saj u shkarkua përfundimisht, por një vendim që rezultoi me të drejtat civile detyroi policinë të lëshojë udhëzime të reja në vitin 2015 rreth mbulesës fetare. Zyrtarëve u kërkohet t’u tregojnë personave që kanë një zgjedhje për t’u fotografuar në mënyrë private nga një person i gjinisë së njëjtë.
Në vitin 2015, një grua tha se i ishte mohuar mundësia që të fotografohej nga një oficere femër, ndërsa ishte e ndaluar në Rezervimin Qendror të Bruklinit.
Në vitin 2016, një tjetër grua tha se ishte fotografuar pa shaminë e saj pasi u arrestua gjatë një konfrontimi mbi një hapësirë parkingu.
Avokatja e tre grave, Tahanie Aboushi, i çoi të tre rastet, duke përmendur shkelje të qarta të politikës së NYPD. Besohet se autoritetet e Nju Jorkut i kanë zgjidhur rastet për $ 60,000 (£ 43,000) secila dhe tani e kanë përditësuar udhëzimin e tyre përsëri për shkak të këtyre sfidave ligjore.
Znj. Aboushi e ka mirëpritur këtë lëvizje dhe tha se ekipi i saj e bëri “të mirën për të krijuar një precedent të mirë”.
“Nga njëra anë, ajo u jep zyrtarëve udhëzime, dhe nga ana tjetër, mbron ushtrimin e lirisë fetare”, shtoi ajo.
“Zgjidhja e këtyre çështjeve ishte në interesin më të mirë të të gjitha palëve të përfshira”, tha njëri nga Departamenti Ligjor.
