Autoritetet amerikane janë duke u përpjekur për të marrë nën kontroll zjarrin në pjesën jugore të Kalifornisë në SHBA, i cili u shfaq javën e kaluar dhe i cili po përhapet në një zonë pyjore me sipërfaqe prej rreth 930 kilometrash katrorë nën ndikimin e erës intensive.
Sipas Los Angeles Times, zyrtarët kanë theksuar se zjarri që ka shpërthyer në gjashtë vende të ndryshme ka prekur një sipërfaqe prej rreth 930 kilometrash katrorë që nga dje në mbrëmje dhe se bëhet fjalë për “zjarrin e pestë më të madh në historinë moderne të Kalifornisë”.
Duke deklaruar se një zjarr efektiv dje rreth qytetit Santa Barbara është përhapur në një territor prej rreth 200 kilometrash në të gjithë qytetin, zyrtarët thanë se kanë kërkuar evakuim të ri për pesë mijë banorë.
Ndërkohë, theksohet se është pezulluar mësimi në shumicën e shkollave në qytet dhe se rreth 85 mijë njerëz janë të privuar nga energjia elektrike.
Zyrtarët gjithashtu njoftuan se në kopshtin zoologjik të Santa Barbaras, i cili është jashtë shërbimi prej një kohe, 500 kafshë janë mbyllur përkohësisht në strehat e tyre.
Guvernatori i Kalifornisë në SHBA, Jerry Brown, kishte paralajmëruar se zjarret pyjore që rezultojnë të jenë shkaktuar nga thatësira e vazhdueshme dhe efektet e ngrohjes globale, janë bërë tashmë “normalja e re” e rajonit.
Qindra ndërtesa janë djegur, qindra shtëpi janë dëmtuar dhe dhjetëra mijëra persona janë evakuuar nga shtëpitë e tyre në gjashtë zjarre të ndryshme pyjore në jug të shtetit të Kalifornisë./Rtv islam/
