Presidenti amerikan, Donald Trump nënshkroi sot në Shtëpinë e Bardhë, në prani të kryeministrit izraelit, Benjamin Netanyahu, dekretin që njeh zyrtarisht sovranitetin e Izraelit mbi pllajën e Golanit.
Në mes të fushatës elektorale në vendin e tij, Netanyahu deklaroi se Izraelit nuk do të heqë kurrë dorë nga pjesa më e madhe e Golanit sirian të pushtuar nga shteti hebre gjatë luftës Gjashtë Ditore në 1967, para se ta aneksonte në 1981.
Një aneksim ky që nuk është njohur asnjëherë nga komuniteti ndërkombëtar.
