Kryeministri i Turqisë, Binali Yildirim, tha sot në Ankara se vendosja e sistemit presidencial të qeverisjes do ta forcojë sistemin politik në Turqi.
“Me sistemin presidencial të qeverisjes së shtetit bëjmë hap të ri i cili do të përforcojë sistemin tonë politik. Me zgjedhjet e 24 qershorit do të fitojmë parlament të fuqishëm dhe pushtet ekzekutiv të fuqishëm, për më tepër, një sistem i kontrollit të balancuar lidhet me shtetin demokratik dhe ligjor”, theksoi Yıldırım.