Ka përfunduar periudha e parë e trajnimit të rrobaqepësisë për gratë që zgjati 6 muaj në Preshevë, organizuar nga Agjencia Turke për Bashkëpunim dhe Koordinim (TIKA).
Kursi është zhvilluar në bashkëpunim me Komunën e Preshevës dhe shoqatën “Vizioni për zhvillim dhe kooperim”.
Në ceremoninë e shpërndarjes së certifikatave morën pjesë ambasadori i Turqisë në Beograd, Tanju Bilgiç, kryetari i Komunës së Preshevës, Shqiprim Arifi, kryetari i Kuvendit Komunal të Preshevës, Sami Salihi, kryetari i shoqatës Shefki Jonuzi si dhe koordinatorja e TIKA-s në Beograd, Çağla Gültekin Tosbat.
Gjatë programit u shpërndanë certifikata për 10 pjesëmarrës që kanë përfunduar kursin me sukses.
Projekti i cili synon të mundësoj fitimin e profesionit grave të reja dhe pa punë do të vazhdojë gjatë vitit, në kuadër të së cilës pritet që 20 gra të fitojnë profesion.
