Kryetari i Kuvendit të Kosovës, Kadri Veseli, përmes një postimi në Facebook, i lumtur që LIBE e ka votuar pro liberalizimit për Kosovës, ka shkruar se Kosova i ka plotësuar kushtet për liberalizim të vizave.
Për më tepër kryekuvendari Veseli pret që brenda këtij viti qytetarët të lëvizin pa viza në Zonën Schengen. “Komisioni LIBE ka votuar pro liberalizimit të vizave.
“Ky është një lajm i merituar për qytetarët dhe një hap drejt vendimit final nga Parlamenti Europian dhe Këshilli i Ministrave të BE-së. Kosova i ka plotësuar të gjitha kushtet dhe ne presim që brenda këtij viti qytetarët tanë të lëvizin pa viza në Zonën Schengen”, ka shkruar Veseli në faqen e tij në Facebook./Kosova Post/
