Vitin e kaluar, 16 nga 55 ushtarët izraelitë që kanë vdekur, kanë kryer vetëvrasje, sipas një raporti të bazuar në statistikat ushtarake.
Në aksidentet automobilistike kanë humbur jetën 12 ushtarë, kurse nëntë prej tyre nga “zjarri miqësor”, ndërsa të tjerët vdiqën nga sëmundjet, në sulme dhe aksidente në kazerma, theksohet në raportin e “Cannel 12”, duke iu referuar statistikave ushtarake.
Në vitin 2016, u regjistruan 41 raste të vdekjes së ushtarëve izraelitë, prej të cilëve 15 me vetëvrasje.
Ushtria izraelite thotë se numri i vetëvrasjeve është ulur për 50 për qind krahasuar me fillimin e shekullit të 21-të. Megjithatë, numri i përgjithshëm i vdekjeve është rritur për 30 për qind.
