Të paktën dy gra kanë humbur jetën në një sulm të kryer nga grupi terrorist DEASH në provincën veriore të Irakut, Nineveh.
Koloneli i ushtrisë irakiane, Ahmad al-Jubouri për AA tha se “elementët që i përkisnin DEASH-it sulmuan sot në agim fshatin e Ninevisë të al-Khazrajiya”.
“Dy gratë u vranë dhe disa civilë u plagosën, përfshirë një numër fëmijësh dhe një plak fisnor”, shtoi burimi.
Në mes të vitit 2014, grupi terrorist DEASH pushtoi afërsisht një të tretën e Irakut, përfshirë qytetin verior të Mosulit.
Deri në fund të vitit 2017 ushtria irakiane me ndihmën e një koalicioni ushtarak të udhëhequr nga SHBA-të, arriti të rikthejë gati të gjithë territorin e humbur nga grupi terrorist.
