Policia e Durrësit ka arrestuar në flagrancë tre persona nën akuzën e gjobvënies ndaj një sipërmarrësi lokal.
Sipas informacioneve të komunikuara në njoftimin për shtyp të Policisë, tre të ndaluarit, njëri prej të ndaluarëve paraqet rrezikshmëri të lartë në fushën e krimeve ndaj personit, i kishin vënë gjobë 50 mijë euro një biznesmeni, shtetasit me iniciale N.L., banues në Durrës.
Bëhet fjalë për shtetasit:
-L. Z., 45 vjeç, banues në Fushë Krujë, me rrezikshmëri të lartë në fushën e krimeve ndaj personit.
-E. Sh., 26 vjeç, banues në Krujë.
-K. E., 40 vjeç, banues në Xhafzotaj, Durrës.
Në cilësine e provës materiale janë sekuestruar shuma prej 5000 eurosh, 3 aparate celularë dhe 1 automjet.
Materialet hetimore do t’i kalojnë Prokurorisë Pranë Gjykatës së Shkallës së Parë për Krimet e Rënda Tiranë, për hetime të mëtejshme në ngarkim të shtetasve të lartpërmendur, për veprën penale “Shtrëngimi me anë të kanosjes ose dhunës për dhënien e pasurisë “, në bashkëpunim.