Kryetari i Partisë Agrare Ambientaliste, Agron Duka thotë se vetëm zgjedhjet e parakohshme mund ta kthejnë situatën politike në normalitet.
Në një takim me strukturat e partisë në qytetin e Korçës, Duka shton se arsimi, ekonomia dhe shumë sektorë të tjerë kërkojnë zgjidhje afatgjatë, por kjo realizohet vetëm nëse gara elektorale bëhet e drejtë.
Postimi në Facebook:
“Vetëm zgjedhjet e parakohshme mund ta kthejnë vendin në normalitet; vetëm zgjedhjet e parakohshme mund t’i kthejnë legjitimitetin pushtetit qendror dhe vendor të kapur nga partia-shtet. Ekonomia, siguria, arsimi dhe perspektiva europiane e vendit kërkojnë zgjidhje afatgjata, të cilat mund të burojnë vetëm nga gara e drejtë elektorale dhe vota e lirë dhe e ndershme. Për këtë arsye vijojmë takimet me strukturat e PAA-së, dhe sot, nga qyteti i Pogradecit, dua t’ju them se pas vendimit të Departamentit Amerikan të Shtetit, që konfirmon drejtësinë e kauzës sonë, është koha që edhe shqiptarët t’i heqin vizën ‘Rilindjes’!”- shkruan ai.
